ملک مہر گل عدیل Malik Mehar Gul Adeel

ملک مہر گل عدیل

ملک مہر گل عدیل کا مختصر سا تعارف

نام:                         ملک مہر گل عدیل

تاریخ پیدائش:           25اگست، 1978

جائے پیدائش:           روجھان، ضلع راجن پور

                             پنجاب، پاکستان

موجودہ سکونت:        کراچی، پاکستان

تعلیم:                      گریجویشن

عہدہ:                      ڈپٹی ایڈیٹر، ماہنامہ ملک نیوز، کراچی

تخلص:                    گل جی

شاعری:                  1993سے شاعری کہنی شروع کی۔ اور شاعری میں ابتدا میں 

                             جناب امجد اسلام امجد سے آصلاح لی۔

ایریا:                      ترقی پسند

اصناف ادب:            غزل، پاکستان کے بڑے اخبارات کے لیے آرٹیکلز لکھنا۔

                             بچوں کا ادب، روزنامہ جنگ کراچی کے مڈویک میگزین میں 

                             شائع شدہ بیس کہانیوں پر مشتمل کتاب(چراغ جذبوں کے ہم 

                             جلائیں) منسٹری آف ایجوکیشن سے کمینڈیشن سند یافتہ۔
ادب برائے:              انسانیت سے پیار۔
تصنیفات:                 2تصانیب زیر طیع ہیں۔
پسندیدہ شعرا:            فیض احمد فیض، ن م راشد، محسن نقوی
                             (فیس بک پر) شبینا انجیل، نعیم حیدر، معصومہ عارف
کھیل:                      کرکٹ بہت پسند ہے۔اسکول و کالج کی ٹیم کے کیپٹن رہے۔
                            انڈ 16 روالپنڈی کی ٹیم کے لیے سیلکٹ ہوئے۔
موسیقی:                  غزلیں اور ٹریجدی گانے بہت پسند ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ملک مہر گل عدیل کی شاعری

 ہم سے خفا ہیں دوست۔۔۔۔۔
ہم سے خفا ہیں دوست تو حیرت کی بات کیا؟
جب بے وفا ہیں دوست تو حیرت کی بات کیا؟
سر پہ نہیں کوئی سائباں اس سخت دھوپ میں
سورج نما ہیں دوست تو حیرت کیا بات کیا؟
گل جی نہ کر تلاش کسی بے وفا کی توُ
مثلِ ہواہیں دوست تو حیرت کی بات کیا؟

 تین اشعار
دُکھ کی چادر میں تڑپتے ہوئے لوگوں کے لیے
کاش ہوتا کسی بےکس کا سہارا کوئی
گھر میں کچھ بھی نہیں، بیٹی کو بیاہوں کیسے؟
سن لے باپ کی آہوں کو خدارا کوئی
ب کہ ہچکی بھی میرے دوست نہیں آتی گل جی
اب کہ یاد نہیں کرتا ہے ہمارا کوئی

 غزل
ظلم کی عدالت میں منصفی نہیں ہوتی
سانس سانس جینے سے زندگی نہیں ہوتی
گھر جلانا پڑتا ہے روشنی کے خاطر اب
ایک دیا جلانے سے روشنی نہیں ہوتی
ہجر کی تمازت میں خوب جلنا پڑتا ہے
دل کے ٹوٹ جانے سے شاعری نہیں ہوتی
عشق تو عبادت ہے اور اس عبادت میں
رتجگوں کے بن یارو بندگی نہیں ہوتی
سنگدلوں کی بستی میں کانچ لے کے مت جائو
گل جی کانچ پتھر میں دوستی نہیں ہوتی

 شام کے بعد
درد دل کا بڑھائے نہ کوئی شام کے بعد
میری آنکھوں میں سمائے نہ کوئی شام کے بعد
شب کے ہوتے ہی ستاروں کی طرح میں چمکوں
دل کے تاروں کو بجھائے نہ کوئی شام کے بعد
تیرے ہنسنے سے زخم دل کے ہرے ہوتے ہیں
دل کے دکھیاروں کو ستائے نہ کوئی شام کے بعد
تجھ سے بچھڑا ہوں تو ہر شخص سے بیگانہ مجھ سے
راستہ گھر کا نہ بتائے کوئی شام کے بعد
گل جی سنتا ہوں کہ یوں عرش بھی ہل جاتا ہے
کسی بے کس کو رُلائے نہ کوئی شام کے بعد

قطعہ
ہجر دل کو عذاب دیتا ہے
درد آنکھوں میں آب دیتا ہے
صحرا، دریا کبھی نہیں بنتے
دھوکہ گل جی سراب دیتا ہے

آنکھوں میں بکھر جاتا ہے
جب بھی کاجل تیری آنکھوں میں بکھر جاتا ہے
دل میرا غم کے سمندر میں اُتر جاتا ہے
کون کہتا ہے کہ عشق سزا دیتا ہے
عشق کرنے سے تو انسان سنور جاتا ہے
آج بھی تجھ سے محبت کا ہے دعویٰ اُس کو
وہ جو چُپ چاپ تیری گلیوں سے گزر جاتا ہے
راہ کے پتھر ہی نصیحت کا سبب ہوتے ہیں
ٹھوکریں کھاتا ہوا انساں ہی سدھر جاتا ہے
اک کڑی جہدِ ملسل کی تکلیف کے بعد
تب کہیں جا کے درختوں پہ ثمر آتا ہے
ہجر کا درد کسی قتل کا گماں ہے گل جی
جب بھی آتا ہے رگِ جاں میں اُتر جاتا ہے

غزل
کہ جب تم یاد آتے ہو تو خود کو بھول جاتا ہوں
سدا جب مسکراتے ہو تو خود کو بھول جاتا ہوں
بچھڑ کر تجھ سے ہم نے دوریاں دیکھی نہیں جاناں
خیالوں میں ستاتے ہو تو خود کو بھول جاتا ہوں
پریشاں دیکھ کر تجھ کو کبھی پھر’’میں‘‘ نہیں رہتا
کہ آنسو جب بہاتے ہو تو خود کو بھول جاتا ہوں
تمہارے دم سے رونق ہے ہماری زیست میں جاناں
خفا ہو کر بُھلاتے ہو تو خود کو بھول جاتا ہوں
تمہاری یاد میں گل جی سدا کھویا سا رہتا ہوں
صدا دے کر بلاتے ہو تو خود کو بھول جاتا ہوں

تین اشعار
کبھی جو ضبط میں تجھ کو بُھلانے لگتے ہیں 
تمہاری یاد کے جگنو ستانے لگتے ہیں
تمہارے ہجر میں اس سے لہو ہی بہتا ہے
ہم اپنی آنکھ کو جب بھی سُلانے لگتے ہیں
تمہاری یاد میں گل جی، یہی تو ہوتا ہے
تمہاری یاد میں لمحے زمانے لگتے ہیں

غزل
کبھی گمنام چاہت کا زمانہ یاد آئیگا
محبت کا مگر تم کو فسانہ یاد آئیگا
زمانے بھر کی نفرت سے کبھی تم چیخ اُٹھو گے
محبت سے میرا تجھ کو ستانا یاد آئیگا
جہاں کی بے رخی سے جب کبھی آنسو بہائو گے
ہنسی مزاق میں میرا رُلانا یاد آئیگا
اکیلے پن کے جب موسم تمہارا جی جلائیں گے
تمہیں قربت ہماری کا زمانہ یاد آئیگا
نجانے کب تلک گل جی ہوا کے ساتھ گھوموگے
کسی دن تم کو بھی تو اک ٹھکانہ یاد آئیگا

غزل
کہاں دل شاد رہتا ہے کسی کے روٹھ جانے سے
بہت دل درد سہتا ہے کسی کے روٹھ جانے سے
سکوں ملتا نہیں دل کو اُداسی گھیر لیتی ہے
بہت دل چیخ اُٹھتا ہے کسی کے روٹھ جانے سے
کسی کے ہجر میں یاروں ہرا رہتا ہے زخمِ دل
کہاں یہ زخم سلتا ہے کسی کے روٹھ جانے سے
تمہیں ڈھونڈیں کہاں جاناں، خدارا لوٹ بھی آئو
یہی دل روز کہتا ہے کسی کے روٹھ جانے سے
فراقِ یار میں گل جی یہی دیکھا گیا اکثر
لہو آنکھوں سے بہتا ہے کسی کے رُوٹھ جانے سے

کاش

کاش کہ مجھ کو چاہا ہوتا

ہر پل مجھ کو سوچا ہوتا

غم کی تپش کیا ہے، تو بھی

غم کی آگ میں سُلگاہوگا

دوری کا غم، تو کیا جانے؟

کاش کسی سے بچھڑا ہوتا

جھوٹ فریب کی اس نگری میں

کوئی تو دل کا سچا ہوتا

خود سوزی عذاب ہے کیسا؟

اپنے آپ سے اُلجھّا ہوتا!!

اور کے آنسو پونچھتے رہتے

اپنا دامن بھیگا ہوتا!

ہر سُو ہوتا پیار کا چرچہ

گل جی کتنا اچھا ہوتا!

قطعہ
ہر ایک شخص محبت میں سرفروش نہیں
یہ دل کی بات ہے جاناں کسی پہ دوش نہیں
مجھے عزیز ہیں پھولوں سے نرم لوگ، سنو!
میں گل پرست ہوں گل جی کہ گل فروش نہیں

قطعہ
دل سے شیشے کو چُور مت کرنا
پیار کرناتو دور مت کرنا
سب کو جانا ہے خاک میں گل جی
ایک پل کا غرور مت کرنا

قطعہ

کانچ کے شہر میں پتھر کے خداوں سے محبت کیسی

گل کی چاہت میں خزاوں سے محبت کیسی

اُس نے چاہت کا تماشہ سا بنا ڈالا گل جی

ہم نہ کہتے تھے ہواوں سے محبت کیسی